Concello de Verín

Onte, ás 20:00 horas, o presidente da Asociación de Comerciantes de Verín (Aever), Santos Álvarez e o xerente do colectivo, José Ángel Rodicio; acompañados do  alcalde de Verín, Gerardo Seoane, fixeron entrega do premio de 1000 euros correspondente á promoción “Este Nadal merca en Verín” durante a Gala de Nadal “O Show dos Pallasos”, organizada por Aever no Pavillón Municipal de Deportes de Verín. No evento tamén se entregaron os correspondentes cheques regalo aos gañadores do Concurso de Escaparates de Verín 2017.

O vindeiro venres 5 de xaneiro, a partir das 17.00 horas, as rúas de Verín acollerán a tradicional Cabalgata dos Reis Magos de Oriente. Con anterioridade, ás 16:00 horas, acudirán a Residencia de Anciáns Santa María para entregarlle presentes ás persoas maiores residentes.

Esta maña, Susana Boo, representante da Cámara de Comercio e Industria de Ourense, e Diego Lourenzo, tenente de alcalde de Verín, entregaron na casa consistorial os diplomas do Concurso de Escaparates de Nadal de Verín.

O  vindeiro sábado día 30 de  decembro,  as 20:00 horas, a Asociación Cultural  Candaira, a través dá  súa agrupación de música tradicional  galega, celebra a  súa “Gala de Nadal VII Aniversario” no Auditorio  Municipal de Verín. A agrupación  aproveitará  este acto para presentar  ao público o seu  primeiro  traballo musical editado en soporte físico (CD- ROM) e  dixital baixo o nome de “ Candaira - O Son das  Tarraxas”.

Este venres 29 terá lugar en Verín o Concerto Expansivo por un Monte Vivo, un evento simultáneo ao que diferentes salas, colectivos e persoas do mundo da cultura se están a sumar.