Concello de Verín

Os vindeiros 16 e 17 de Novembro a Biblioteca Municipal de Verín volve, un ano máis, a lembrar a figura de D. Xesús Taboada Chivite. Nesta ocasión será coa proxección dun documental o día 16, e cunha conferencia o día 17.

A Feira de Outono terá este ano uns prolegómenos de grande interese social e cultural, coa charla-coloquio “Incendios forestais: A marea negra dos montes galegos”. Serafín J. González Prieto, investigador do Instituto de Investigacións Agrobiológicas de Galicia (IIAG) do CSIC e presidente da Sociedade Galega de Historia Natural (SGHN), será o protagonista deste acto que se celebrará o venres día 17, ás 20:00 horas, na Carpa da Feira (praza García Barbón).

O venres 24 de novembro, ás 21:30 horas, o Auditorio Municipal de Verín acolle a representación da obra de teatro “Raclette” da compañia Ibuprofeno Teatro. Está obra está pensada para un público adulto e a entrada é completamente de balde.

O vindeiro domingo 19 de novembro, a terceira edición da Feira de Outono de Verín acollerá a xornada temática “Las plantas que nos unen”. Unha caravana itinerante visitará Verín para divulgar o "Marabilloso Mundo das Plantas medicinais e útiles" á vez que grava un Documental de TV de plantas da península.

A III Feira de Outono de Verín, que se celebrará durante toda  a fin de semana do 17 de novembro na vila do Támega, desenvolverá una intensa actividade na Praza Maior de Verín, centrada na alimentación de outono e ecolóxica, a artesanía e os productos de Monterrei. Para os nenos, obradoiros de elaboración de pan, e para os adultos, catas comentadas e maridaxes dos viños de Monterrei.