Concello de Verín

Este ano a coñecida Feira do #Lázaro de Verín leva por nome “AGRO+ VERÍN”. Agricultura e tecnoloxía van da man neste novo proxecto que abriu hoxe as portas no Pavillón Municipal de Verín. Con este novo modelo de feira o Concello de Verín pretende resaltar o papel do #rural, tanto na comarca como nos arredores.

Onte, ás 19:30 horas, a praza da Mercé acolleu a inauguración da primeira Feira do Libro do Lázaro, organizada pola Federación de Libreiros de Galicia e o Concello de Verín, en colaboración coa Consellería de Cultura. O pregón de Xosé Carlos Caneiro, abriu a feira.

GERARDO SEOANE FIDALGO, Alcalde do Ilustrísimo Concello de Verín (Ourense), FAGO SABER:

Que o domingo 2 de abril, con motivo da celebración da “II Carreira Popular” enmarcada dentro das actividades da festividade de San Lázaro, solicítase a colaboración das e dos residentes do Casco Vello para que restrinxan o uso de vehículos en horario de 09:30 a 13:30 horas co fin de garantir a seguridade das e dos participantes.

GERARDO SEOANE FIDALGO, Alcalde do Ilustrísimo Concello de Verín (Ourense), FAGO SABER:

Que o domingo 2 de abril, con motivo da celebración da “II Carreira Popular” enmarcada dentro das actividades da festividade de San Lázaro, procederase ao corte da circulación na Carretera de Vilela (dende a  Travesía da Veiga até a localidade de Vilela) en horario de 10:30 horas a 11:30 horas.

O sábado día 1 de abril ás 18 h no Auditorio Municipal, acompañado de Diego Barral (guitarras) e Alex Fente (acordeón), Pablo Díaz presentará o seu último traballo discográfico "TIC TAC TOC". No acto, dirixido a nenos e nenas menores de 12 anos, fará tamén un pequeno repaso dos temas máis emblemáticos das súas anteriores gravacións, “TIC TAC” e "TOC TOC". O concerto será de libre acceso até completar aforo ao estar patrocinado polo programa FalaRedes da Rede de Dinamización Lingüística, que promove a Secretaría Xeral de Política Lingüística e da que forma parte o Concello de Verín.