Concello de Verín

O vindeiro venres 7 de Abril ás 18:00h, a Biblioteca Pública Municipal do Concello de Verín pon en marcha o programa “Estacións en contos” coa presenza de Celtia Figueiras, quen levará a cabo a actividade mediante catro contacontos distribuídos ao longo do ano con estéticas e dinámicas diferentes dependendo da estación. A actividade coa que se dará comezo será “Contos na Primavera”, no marco da programación de actividades destinadas ao fomento da lectura e dinamización da instalación municipal.

Éxito rotundo de participación no Lázaro 2017, reformulado e relanzado dende o Concello de Verín. Tanto o alcalde, Gerardo Seoane, coma o tenente de alcalde, Diego Lourenzo, valoraron con satisfacción o grao de participación nos numerosos eventos da fin de semana, cunha numerosísima participación especialmente o domingo, tanto nos culturais coma nos gastronómicos e promocionais. Segundo as primeiras estimacións, máis de 25.000 persoas participaron en algunha das actividades do Lázaro durante a fin de semana.

O workshop “As idades da auga: as augas construtoras de paisaxes” comezou este luns, 3 de abril, na sede da Eurocidade en Verín. O programa arrancou onte, ás 16.00 horas, coa recepción dos participantes en Verín, e a visita previa xeral, que tivo lugar ás 17.00 horas.  O seminario internacional, organizado pola Escola galega da Paisaxe da Fundación Juana de Vega coa colaboración da Deputación de Ourense e a Eurocidade Chaves-Verín, volverá a Verín o venres, despois das sesións dos días 4 ao 6 de abril, que terán lugar na Fundación Nadir Afonso de Chaves.

A Sala de Exposicións de Verín acolle, ata o día 25 de abril, una exposición colectiva de fotógrafos galegos e portugueses en torno da mesma realidade “a ruralidade”, según as miradas de Anxos Borjas, Fernando DC Ribeiro, Humberto Ferreira, João Madureira, Miguel Garcia Torres, Pablo Serrano e Sergio Crespo Vilar.

Durante os días 7, 8 e 9 de abril , o cinema municipal de Verín acolle a proxección da película La bella y la bestia no Salón de Actos da Casa da Cultura nos seguintes pases: