Concello de Verín

O vindeiro luns día 1 de maio, como vén sendo habitual desde os anos oitenta, a praza da Alameda de Verín acollerá a tradicional Festa dos Maios. Este ano, como novidade, a Praza Maior acollerá tamén a segunda edición da Feira Solidaria de Verín. Así o confirmaron esta mañá as concelleiras das áreas de Turismo e Cultura, Purificación Caldelas e Emilia Somoza, na casa consistorial de Verín.

A Bibloteca Municipal de Verín acolle o vindeiro venres 28 de abril, ás 19:30 horas,  unha conferencia a cargo de Francisco Domínguez, director da Fundación Penzol, en lembranza de D. Fermín Fernández Penzol, rexistrador da propiedade e galeguista do interior durante a ditadura franquista.

A Escola de Familia Municipal do Concello de Verín organiza, xunto con UNICEF España, a cuarta edición  da ‘Andaina Solidaria en Familia’, que terá lugar o sábado 6 de maio, ás 18:00 horas, destinada a recadar fondos para axudar na construción de pozos de auga en diferentes localidades de Níxer, promover hábitos saudables e gozar da contorna natural da comarca. 

Durante os días 28, 29 e 30 de abril e 1 de maio , o cinema municipal de Verín acolle a proxección da película Fast & Furious 8 no Salón de Actos da Casa da Cultura nos seguintes pases:

O director xeral de Emerxencias e Interior, Luis Menor, entregou hoxe 4425 detectores de fume con destino á poboación que vive en núcleos dispersos do rural galego, dentro da zona transfronteiriza do norte de Portugal que afecta á provincia de Ourense.