Concello de Verín

O Concello de Verín reimplantou hoxe a ORA en tres céntricas rúas de Verín, a petición dos comerciantes, para estimular a rotación do aparcamento nas zonas de servizos. Non haberá concesión, e será a propia Policía Local a que vixie o cumprimento dos horarios.

Na década dos cincuenta do pasado século, Enrique Gómez Pato percorría as rúas de Verín con efémeras esculturas de madeira recubertas de plantas silvestres. O carón  ou agochado no  interior, el e os seus acompañantes cantaban e espallaban unhas coplas que a veciñanza agardaba pola súa creatividade e crítica. Na súa lembranza e para que se manteña esta manifestación da nosa cultura popular, o Concello de Verín organiza unha concentración de Maios artísticos, tradicionais e humanos, que se rexerá polas seguintes.

Durante os días 21, 22 e 23  de abril , o cinema municipal de Verín acolle a proxección das películas El Gardián Invisible e Batman la Lego película no Salón de Actos da Casa da Cultura nos seguintes pases:

O vindeiro 18 de abril -e conmemorando o día 22 de marzo (día da auga) e o 6 de abril (día do deporte) desde a  Escola de Familia do Concello de Verín organizan un concurso de gateo, en colaboración con Unicef e a campaña "gotas para Níxer", onde os máis pequenos de Verín gatearán para que en Níxer tódolos nenos e nenas poidan ter auga potable.

O Auditorio Municipal de Verín acolle o día 6 de maio, ás 21:00 horas,  a actuación "Os mellores monólogos", na que o cómico Carlos Branco decide revisar algúns dos seus máis coñecidos monólogos: As bravas dá Arousa (Queres Kiwis?), A dobraxe porno, Galizara, As grandes frases dás nosas avoas e avós, etc.