Concello de Verín

O vindeiro 19 de maio, o persoal da Biblioteca Municipal de Verín xunto aos seus nenos Voluntarios/as (nenos de 9 a 17 anos), cruzarán a raia para celebrar unha sesión de contacontos e manualidades na aldea portuguesa de Cimo de Vila da Castinheira (distrito de Chaves -  Portugal), co gallo das Letras Galegas.

Maña, venres 12 de maio ábrese o prazo de inscrición da  Ludoteca - Campamento urbano- para o ano 2017, organizada pola Oficina Municipal de Información Xuvenil do Concello de Verín.

En total, corenta e dous alumnos e alumnas de seis colexios e institutos da comarca de Verín son finalistas no Certame de Poesía Xosé Carlos Caneiro Pérez e no Certame de Relato Curto Antonio Fernández Pérez, iniciativas que promove o Concello de Verín con motivo do Día das Letras Galegas. Os certames contan, un ano máis, coa colaboración de Gadis. Tamén no marco do día das Letras Galegas terá lugar na Biblioteca Municipal, os días 16 e 26 de maio, un ciclo de conferencias dedicado a Carlos Casares.

O vindeiro 11 de maio, a partir das 19:30 horas, a Biblioteca de Verín acolle a presentación da obra “Amanecer”, da escritora verinesa Doli Pereira.

A partir hoxe martes 9 de maio, e ata o 30 de xuño, o Concello de Verín, a través da concellería de Mocidade, amplía o horario da Biblioteca Pública Municipal de Verín  con motivo do período de exames.