Concello de Verín

Onte 17 de maio, ás 19:00 horas, celebrouse no Auditorio Municipal a gala de entrega de premios dos Certames de Relato Curto Antonio Fernández Pérez 2017 e de Poesía Xosé Carlos Caneiro Pérez 2017. No acto recitáronse os poemas gañadores do Certame de Poesía e leronse os traballos que gañaron o Certame de Relato Curto. Como novidade, a gala contou este ano coa actuación conxunta de Emilio Rúa e Xosé Carlos Caneiro.

Entre o 18 e o 20 de maio, Verín será o escenario dun conxunto de exhibicións da Garda Real coa finalidade de dar a coñecer o seu labor -que non é outra que proporcionar o servizo de garda militar, render honras e dar escoltas solemnes á Familia Real- e doutra banda, poñer en práctica e desenvolver as técnicas e capacidades de mando e control, apoio loxístico e actividades tácticas de instrución e adestramento propias de toda unidade militar.

A localidade de Caldeliñas, volveu onte de novo ás urnas, despois de que na primeira volta producísese un empate a votos entre os dous dos tres candidatos máis votados, para elixir ao que será o seu próximo pedáneo ata o final da actual etapa de goberno. Máis do 60 por cento dos seus habitantes, segundo os datos facilitados polo edil de Participación Cidadá e alcalde en funcións, Diego Lourenzo Moura,  acudiu á segunda volta dos comicios desta pedanía. 

Durante os días 19, 20 e 21  de maio , o cinema municipal de Verín acolle a proxección das películas Los pitufos: la aldea escondida e Un italiano en Noruega no Salón de Actos da Casa da Cultura nos seguintes pases: 

O venres día 26, ás 20:30 horas, profesores e alumnos do Conservatorio Elemental de Música de Verín ofrecerán un concerto didáctico, enfocado a nenos entre 6 e 14 anos, acompañados de familiares ou adultos. Profesores, alumnos, o Grupo de Corda e a Banda do Conservatorio de Verín, interpretarán temas populares, clásicos e infantís, presentarán os instrumentos que ofrece o centro.