Concello de Verín

O balneario histórico de Caldeliñas volveu a ver correr hoxe o seu manancial tras 70 anos pechado ó público. Así mesmo, o Concello puxo en marcha as obras de acondicionamento do entorno, moi deteriorado polo abandono  e natureza química das propias augas, para que as instalacións poidan beneficiarse dunha actuación de urxencia que permita o seu uso público.

Até o día 20 de xullo, a Sala de Exposicións de Verín acolle a mostra ”Arte Infantil”, que será inaugurada o venres día 30 de xuño, ás 18:00 horas, pola concelleira de Cultura, Emilia Somoza.

A concellería de Tráfico, Seguridade Cidadá e Protección Civil acometerá a partir do vindeiro día 15 de xullo, a través da Policía Local,  un plan de identificación de cans que carecen de microchip. O preocupante aumento abandonos e a saturación da protectora de animais comarcal, son as principais razóns para iniciar esta campaña de concienciación.

Cultura no camiño aterra os vindeiros 2 e 8 de xullo e 19 de agosto na comarca de Verín, coa actuación do grupo Odaiko e as representacións das obras Habsel e Gretel, de Avento Producións e Helena: Xuízo a unha Lurpia, do Teatro do Atlántico. Devanditos eventos son completamente de balde e están organizados pola Axencia Galega das Industrias Culturais (AGADIC), en colaboración co Concello de Verín.

O Concello de Verín ultima un plan especial de protección contra incendios que contempla a creación de franxas de seguridade ante as casas nos 17 núcleos do municipio. O alcalde, Gerardo Seoane, emitiu un bando no que lembra a obrigatoriedade de desbrozar a biomasa en todas as fincas que estean ata 50 metros dende a última edificación, e decretando a súa execución subsidiaria en caso de que en 15 días non estean limpos.