Concello de Verín

Os alcaldes de Verín e Chaves, Gerardo Seoane e Antonio Cabeleira, presentaron hoxe en Termatalia as novidades para a tempada termal que comeza. O Concello de  Verín reabrirá o surtidor de Caldelinas, logo de 70 anos de abandono, e construirá un gran parque no exterior de Fontenova. Chaves, pola súa banda, escomezará as xestións para reacondicionar un novo establecemento termal na localidade lusa de Vilarelho.

O vindeiro 20 de Xuño, ás 18:00 horas, a Asociación “Aires da Terra” - sita na comarca dende fai 13 anos- realizará unha visita guiada á Biblioteca Pública Municipal de Verín.

O vindeiro mércores 21 de xuño, ás 18:00 horas, a Biblioteca Pública Municipal do Concello de Verín realizará a xornada de contacontos “O Mundo de Carliños”, de Luís Vaecillo, unha proposta orixinal na que se xuntan a música e os monicreques para dar a coñecer a obra do autor homenaxeado este ano nas letras galegas: Carlos Casares.

Por mor do terrible incendio acontecido o pasado sábado en Pedrógão Grande (Portugal), e co fin de mostrar as nosas condolencias e solidariedade coas familias das vítimas, o Concello de Verín decreta un loito oficial que dará comezo hoxe, día 19 de xuño de 2017 -ás 12:00 horas- e finalizará mañá 20 de xuño de 2017, a mesma hora. Durante este tempo, as bandeiras da casa consistorial ondearán a media asta.

A asociación de empresarios de Verín, da un paso máis na súa aposta por utilizar internet para fortalecer o comercio, aumentando a competitividade e estando máis preto dos seus clientes a través das campañas na web e nas redes sociais.