Concello de Verín

Un centenar de libros, entre os que se encontran as obras de referencia para os estudos de Piano, foron cedidos ao Concello de Verín para que se dediquen a  fondos documentais de libre acceso no Conservatorio Elemental de Música de Verín. O protocolo da cesión foi asinado por Rafael Francisco Martínez Landeras, ex-profesor e ex-director do conservatorio verinense e ex-profesor de música no Colexio María Inmaculada, e Gerardo Seoane Fidalgo, alcalde de Verín.

Os delegados da Agrupación Europea de Cooperación Territorial (AECT) Eurocidade Chaves-Verín polos municipios de Verín e Chaves, baixo a presidencia de Antonio Cabeleira e a dirección de Gerardo Seoane, reuníronse  onte en Asemblea Xeral ordinaria para tratar a seguinte orde do día:

O próximo día 17 de xuño o xardín de Sousas acolle unha comida popular en honra de San Antonio Mentireiro. Compra o teu ticket en calquera dos establecementos colaboradores.

O vindeiro sábado 17 de xuño, ás 18:00 horas, @Cruz Vermella de Monterrei organiza, en colaboración co #ConcellodeVerín, a primeira edición da súa gala solidaria. O evento terá lugar no Auditorio de Verín e terá un prezo de cinco euros (1 boleto do Sorteo de Ouro, á venda en Cruz Vermella Monterrei ou no Auditorio o propio día da gala), sendo gratuíto para os menores de 6 anos.

O vindeiro xoves 15 de xuño, ás 20:00 horas, o Salón de Actos da Casa da Cultura acolle a presentación da obra “Contos e lendas do Val de Monterrei”. Trátase dunha obra conxunta, coordinada polo escritor verinés Xosé Carlos Caneiro hai vinte anos, que recompila contos de tradición oral de diversas temáticas (meigas, demos aparicións, mouros, tesouros, oficios, animais, cregos, etc...). Devandita obra foi ilustrada por autores de Verín e comarca, que prestaron de xeito desinteresado a súa creatividade para acompañar os textos.