Concello de Verín

A Biblioteca do Concello de Verín acaba de recibir, grazas a doazón de D. Santiago Cid Harguindey, a reproducción dos antigos xornais que tiña Verín, coma eran Támega, Heraldo de Verín, Eco de Monterrey, La Opinión, El Cencerro, etc., que recollen a vida no Val do Támega, nos comezos do século XX, e aportan unha gran información sobre a época en artigos e anuncios.

O vindeiro 19 de xaneiro, ás 10:30 horas, a Sala de Exposicións de Verín acollerá a inauguración da mostra fotográfica “Oficios entre Lusco e Fusco” de Xosé Abad organizada pola fundación Abanca o Museo do Pobo Galego e o Concello de Verín. A mostra estará aberta ao público do 19 de xaneiro ao 11 de febreiro.

O fotoxornalista Adrián Irago recibiu onte o Primeiro Premio do certame Imaxes con Fondo III pola instantánea 'Arribando en Lesbos' que amosa a chegada dun grupo de refuxiados ás costas gregas, convidando a reflexionar sobre o que a diario acontece no Mediterráneo e a corresponsabilidade de Europa na busca dunha solución. Os lucenses Evaristo Pardeiro e María Luz Arias fixéronse co segundo e terceiro posto retratando a cultura hindú e un campo de refuxiados, respectivamente. A entrega celebrouse esta mañá na sede da Federación Galega de Municipios e Provincias.

O Concello de Verín acaba de ser aceptado como asociado na Rede Europea de institucións públicas e privadas relacionadas coas festividades do entroido europeo. O Concello de Verín verase beneficiado directamente das oportunidades de promoción e financiamento a nivel europeo, a curto prazo e xa de forma indirecta participará en calidade de asociado no proxecto PATRIMONIO EFIMERAL DE LOS RITUALES DEL CARNAVAL EUROPEO (CARNVAL).

O vindeiro venres 13 de xaneiro, de 18:00 a 19.30 horas, a Biblioteca Pública Municipal de Verín organiza a sesión de contacontos e manualidades “Contos da Neve”, no marco da programación de actividades destinadas ao fomento da lectura e dinamización da instalación municipal.