Concello de Verín

O Pleno do Concello de Verín aprobou hoxe, en sesión ordinaria, os Orzamentos Municipais de 2016 co apoio dos grupos do Equipo de Goberno (Partido Socialista e BNG) e os votos en contra do Partido Popular.

En total, sesenta e nove alumnos e alumnas de nove colexios e institutos da comarca de Verín son finalistas no Certame de Poesía Xosé Carlos Caneiro Pérez e no Certame de Relato Curto Antonio Fernández Pérez, iniciativas que promove o Concello de Verín con motivo do Día das Letras Galegas Os certames contan, un ano máis, coa colaboración de Gadis.

O Concello de Verín comezará a semana que ven, trala aprobación hoxe dos orzamentos municipais, a desenvolver a súa primeira medida: a construción do Centro de Día na Praza de Abastos, situada na praza Maior. Contará, segundo o documento orzamentario que se debateu hoxe, cun orzamento de 90.000 euros, e permitirá a dotación de 36 prazas para maiores, nun espazo de 380 metros na planta de abaixo do edificio municipal, onde ata agora se atopaba a Escola de artes e Oficios que se trasladará aos edificios anexos á lonxa agropecuaria (antiga cafetería).

Desde o Concello de Verín informamos que houbo un erro coa impresión das entradas anticipadas. (que desde hoxe xa está corrixido). O horario correcto é o que está publicado na web e no facebook do Concello. Sentimos as molestias.

O Concello de Verín organiza, por décimo ano consecutivo, as Xornadas de Deporte e Saúde no municipio destinadas a desenvolver políticas activas para mellorar a calidade de vida dos veciños e veciñas, promovendo a saúde a través dunha alimentación saudable e a práctica de actividade física regular.