Concello de Verín

O secretariado técnico da AECT Chaves-Verín participou en Dublín, durante os días 21 e 22 de abril, en diversas reunións de traballo con responsables técnicos, políticos dos municipios e gobernos rexionais de toda a área atlántica da Unión Europea, que vai desde Irlanda do Norte ata Andalucía, cun dobre obxectivo: conformar unha alianza estratéxica que permita a creación da primeira e única rede de eurocidades de todo o territorio atlántico da unión e conseguir a captación conxunta de fondos europeos os próximos 4 anos.

Durante os días 29 e 30 de abril e 1 de mayo, o cinema de Verín acolle a proxección das películas Norman del Norte e Kiki, el amor se hace no Salón de Actos da Casa da Cultura nos seguintes pases:

Docentes de Verín e Chaves, xunto cos expertos da USC que estes días participaron en Verín nas I Xornadas de Radio e Televisión Municipal de Galicia, acudiron hoxe ó novo Auditorio para analizar o potencial do sector audiovisual como motor de emprego e riqueza. Estiveron acompañados polo alcalde da vila, Gerardo Seoane, que lles expresou a súa vontade de promover novas ensinanzas regradas de FP en Verín centradas na imaxe e son.

Onte, 22 de abril, ás 19:30 horas a Biblioteca do Concello de Verín acolleu a conferencia “Cervantes e Galicia”, a cargo de D. César Brandariz investigador da vida, personaxe e obra de Cervantes.

A comarca de Monterrei aglutinou máis de 20 cabeceiras xornalísticas dende mediados do século XIX, algunhas das cales mantiveron unha intensa actividade editorial, coma El Támega ou El Eco de Monterrey (republicano e conservador, respectivamente) convertendo a esta zona na máis prolífica en actividade comunicacional, xunto coa capital da provincia.