Concello de Verín

Dous filmes, que se proxectarán na Casa da Cultura os luns día 25 de abril e día 2 de maio, compoñen a programación de primavera en Verín pertencente o circuíto de exhibición cinematográfica Cinemas de Galicia. (convenio AGADIC- Concello de Verín). O vindeiro luns día 25 de abril, con pases ás 18:30 é  ás 20:30 h, proxectarase, na versión dobrada ao galego, a película O noso último verán en Escocia e o 2 de maio, no mesmo horario, exhibirase o filme Phoenix.

O vindeiro venres, 22 de abril, ás 19:30 horas a Biblioteca do Concello de Verín acollerá a conferencia “Cervantes e Galicia”, a cargo de D. César Brandariz investigador da vida, personaxe e obra de Cervantes.

A AECT Chaves Verín participou activamente na Asemblea Xeral da Asociación Europea de Vilas Termais Históricas, celebrada o pasado 14 de abril, na histórica cidade termal de Karlovy Vary (República Checa). Á cita acudiu  unha delegación técnica en representación da AECT que, xunto a máis de 40 delegados das principais cidades históricas termais europeas, abordaron o futuro das políticas turísticas e termais a nivel comunitario.

O pasado xoves 6 de abril reuníronse en asemblea xeral os membros do goberno da Agrupación Europea de Cooperación Territorial (AECT) Eurocidade Chaves-Verín convocados polo seu presidente, Antonio Cabeleira . Á mesma, asistiron os delegados de Verín: Diego Lourenzo, Purificación Caldelas e José Luís Martín e os de Chaves: Carlos Penas e Joao Neves.