Concello de Verín

Esta maña, de 10:15 a 13:00 horas,  15 mulleres participaron no “Curso de Defensa Persoal Feminina”, impartido por David Cabreira (KME) e organizado desde a área de Igualdade do Concello de Verín, que tivo lugar no Pavillón Municipal de Deportes de Verín.

O 20 de novembro, o Concello de Verín celebrou o Día Universal da Infancia organizando un Pleno Infantil participativo na Casa da Cultura, cos alumnos de sexto de primaria dos centros de ensino CEIP Princesa de España, CEIP Amaro Refojo, Centro de ensino María Inmaculada e Centro de ensino Mercedarios, co obxectivo de recordar á cidadanía que é o colectivo máis vulnerable e polo tanto o que máis sofre a crise e os problemas do mundo.

O Concello de Verín , a través da concelleira de Turismo, Purificación Caldelas, realizou un balance dos resultados da Primeira edición da Feira de Outono de Verín que se celebrou, durante os días 14 e 15 de novembro, na Praza Maior. “Baseándonos no cuestionario realizado polo Concello de Verín aos expositores participantes na Primeira Feira de Outono, o resultado é que a totalidade dos enquisados (20 dos 23 postos expositores)  están moi satisfeitos coas vendas, e a promoción que a mesma aportou o seu negocio, e volverían participar no evento” explicou Caldelas.

O domingo día 22 ás 19:00 horas da tarde, unha película francesa de éxito clasura na Casa da Cultura de Verín o ciclo Cinemas de Galicia 2015.