Concello de Verín

O Concello de Verín inicia este luns o Plan de Rehumanización das Rúas, que suporá o redeseño de numerosas aceiras da Vila e a replantación de árbores en zonas que historicamente contaron con eles, pero que as foran perdendo co tempo. As obras comezarán este luns pola rúa da Canella Cega, que pasará  así a ser unha rúa arborada.

As obras de derrube que escomezan a semana que vén nos tres inmobles ruinosos situados no tramo final da rúa Espido, a carón da Estación de Autobuses, marcan a fin da primeira fase das actuacións de salubridade urbanística iniciadas polo novo Goberno de Verín. Estas actuacións, desenvoltas en todos os casos de mutuo acordo cos propietarios, teñen como obxectivo evitar os riscos implícitos nas ruínas, ampliar as rúas e mellorar o aspecto da vila.

A Antena local de Verín, organismo dependente da Cámara de Comercio e Industria de Ourense, organiza o 11 e 12 de novembro, na aula CeMIT de Verín, o taller para a mellora na gestión do comercio minorista "Innova e atrae clientes o teu negocio"

Con Le Week-end, comedia romántica que obtivo a Concha de prata ao mellor actor – Jim Broadbent (Óscar por Iris) - no  Festival de San Sebastián 2013, comeza o  segundo ciclo da programación de Outono de Cinemas de Galicia na Casa da Cultura. A película, autorizada para maiores de12 anos, exhibirase o sábado día 7 ás 20:00h.

A partir de maña, a Biblioteca Pública Municipal de Verín comeza coas súas actividades programadas para o mes de novembro.