Concello de Verín

O venres día 15, ás 18 horas, a Larraitz Urruzola presenta na Biblioteca Pública Municipal o contacontos infantil Babamor, para un público preferente de idades comprendidas entre os 3 e os 12 anos, e que conmemora o Día das Letras Galegas adicado a Xosé Fernando Filgueira Valverde.

O mércores 13 de maio, das 20 ás 21 horas, terá lugar na Piscina Climatizada de Verín una 'Charla de Primeiros Auxilios', dirixidas aos/ás usuarios/as desta instalación deportiva municipal.

O vindeiro martes 12 de maio arranca unha nova actividade deportiva posta en marcha polo Concello de Verín: 'A Piscina Climatizada vaise de running', destinada a incentivar a práctica deste deporte entre os veciños e veciñas do municipio.

A praza do Concello de Verín acolleu esta mañá unha concentración silenciosa, de cinco minutos, na que participaron representantes políticos e veciños/as da localidade co obxecto de condenar publicamente o acto de violencia de xénero que tivo lugar esta mañá no Complexo Hospitalario Universitario de Ourense, manifestar consternación pola morte da veciña María Isabel Fuentes Fernández  e expresar solidariedade cos familiares e amigos/as.

O alcalde do Concello de Verín, Juan Manuel Jiménez Morán, en nome de toda a corporación municipal, emite o seguinte comunicado institucional no que “condenamos publicamente o acto de violencia de xénero que tivo lugar hoxe en Ourense, e que terminou coa vida de María Isabel Fuentes Fernández. Queremos manifestar a nosa consternación pola súa tráxica morte, e a nosa solidariedade cos familiares e amigos/as desta veciña da localidade, acompañándoos nestes momentos de dor e pesar”.