Concello de Verín

Desde o departamento de Desenvolvemento Local do Concello de Verín infórmase da publicación da resolución do 27 de abril de 2015 pola que se fai público o acordo do Consello de Dirección polo que se modifican as bases reguladoras dos préstamos Jeremie-Igape previstos no programa operativo Feder Galicia 2007-2013, en beneficio de pequenas e medianas empresas e microempresas cofinanciadas polo Fondo Europeo de Desenvolvemento Rexional. Máis información no seguinte enlace.

Mañá venres 01 de maio, como vén sendo habitual desde os anos oitenta, a praza da Alameda de Verín acollerá a Festa dos Maios.

Desde as 11 da mañá e até o mediodía está prevista a exhibición dos maios tradicionais e artísticos que confeccionaron a Asociación Verinense de Amigos da Música, a Asociación Cultural Alto Támega, o CPR Plurilingüe María Inmaculada, o CEIP Princesa de España e o CEIP Amaro Refojo.

O 07 de maio terá lugar na Piscina Climatizada de Verín a xornada 'Primeiros auxilios e iniciación ao salvamento acuático' destinada aos/ás menores dos cursos de natación que se imparten nesta instalación deportiva.

Desde o departamento de Desenvolvemento Local do Concello de Verín infórmase da publicación da orde do 21 de abril de 2015, da Consellería de Traballo e Benestar, pola que se establecen as bases reguladoras para a concesión, en réxime de concorrencia competitiva, de subvencións para implantar a responsabilidade social empresarial (RSE) e a igualdade nas pequenas e medianas empresas, no ámbito da Comunidade Autónoma de Galicia, cofinanciadas polo Fondo Social Europeo, e se convocan para o exercicio 2015. Ver no seguinte enlace.

O xoves 07 de maio, na aula CeMIT do Concello de Verín impartirase o seminario gratuíto 'Desenvolvemento de APIs para aplicacións en PHP', programado polo Centro de Novas Tecnoloxías de Galicia (CNTG).