Concello de Verín

A directora executiva da Axencia de Nacións Unidas para os Refuxiados de Palestina (UNRWA-España), Raquel Martí, presentou esta mañá nun encontro con diversos concellos socios do Fondo Galego de Cooperación e Solidariedade a intervención psicosocial coa poboación refuxiada de Gaza á que contribúe a entidade. Segundo a experta, que repasou en Santiago de Compostela a terrible situación da franxa, na actualidade “un dos maiores problemas é o trauma psicolóxico que arrastra a poboación, e en particular a infancia: un neno de seis anos xa viviu tres guerras”. Ademais, “é un trauma crónico, moi difícil de tratar”, asegurou na sede da Fegamp.

Desde o Concello de Verín infórmase da publicación da orde do 30 de xaneiro de 2015, da Consellería de Economía e Industria, pola que se establecen as bases reguladoras para a concesión, en réxime de concorrencia competitiva, de subvencións para a mellora da imaxe, modernización, establecemento de novas fórmulas e medios de comercialización no sector comerciante retallista e artesanal galego, e se procede á súa convocatoria para o ano 2015 (código de procedemento IN201H). Toda a información no seguinte enlace.

Mañá 11 de febreiro, ás 18 horas, os/as menores dos programas 'Kero-Kedar' e  'Kero-Kedar +' da Escola de Familia do Concello de Verín realizarán un pequeno percorrido polas rúas do centro histórico da localidade, co obxecto de celebrar as festas do Entroido.

Na xornada de mañá e o domingo continuará o ciclo do Entroido coa celebración do Sábado e Domingo de Corredoiro en Verín, con actividades aptas para todos os públicos.

A sede da Eurocidade Chaves-Verín AECT (antigo posto fronteirizo de Feces de Abaixo) acolleu esta mañá o acto de sinatura dun convenio de cooperación no ámbito de termalismo entre a Eurocidade e a Deputación de Ourense, a cargo do director da Agrupación Europea de Cooperación Territorial e alcalde de Verín Juan Manuel Jiménez Morán, e o presidente da Deputación de Ourense, José Manuel Baltar Blanco.