Concello de Verín

O vindeiro venres 23 de xaneiro, de 18 a 19.30 horas, a Biblioteca Pública Municipal de Verín programa a iniciativa 'Contos do Universo, no marco da programación de actividades destinadas ao fomento da lectura e dinamización da instalación municipal.

Desde o departamento de Desenvolvemento Local do Concello de Verín infórmase da publicación de subvencións a clubs, sociedades anónimas e agrupacións deportivas escolares de Galicia, e axudas a agrupacións de produtores para a realización de actividades de información e promoción de produtos agroalimentarios galegos con calidade diferenciada.

Desde o departamento de Desenvolvemento Local do Concello de Verín infórmase da publicación da resolución do 12 de xaneiro de 2015, da Secretaría de Estado de Investigación, Desenvolvemento e Innovación, pola que se convocan axudas correspondentes ao ano 2014, para a promoción de emprego novo e implantación da Garantía Xuvenil en I+D+i no Subprograma Estatal de Incorporación, do Programa Estatal de Promoción do Talento e o seu Empleabilidad, no marco do Plan Estatal de Investigación Científica e Técnica e de Innovación 2013-2016. Toda a información no seguinte link.

O obradoiro de emprego San Antón, concedido pola  Consellería de Traballo e Benestar  aos concellos de Verín e Vilardevós, finalizou na xornada de hoxe as actuacións de rehabilitación da capela de San Antón, acondicionamento do seu contorno natural e revalorización do patrimonio arqueolóxico da zona.

Ao longo desta mañá, o Servizo de Turismo de Verín promoveu entre os/as empresarios/as da comarca a primeira reunión da plataforma 'Chaves-Verín Smart Destination', nacido co obxecto de favorecer a implantación e desenvolvemento de iniciativas de innovación nas PEMES do sector turístico e facer de Chaves-Verín un destino turístico intelixente, grazas á prestación de máis e mellores servizos por parte das empresas turísticas a través da utilización de tecnoloxías innovadoras.