Concello de Verín

Desde o departamento de Desenvolvemento Local do Concello de Verín infórmase da publicación da resolución do 16 de decembro de 2014, da Secretaría Xeral de Medios, pola que se establecen as bases reguladoras para a concesión, en réxime de concorrencia non competitiva, de subvencións a familias para a adquisición de equipamentos de televisión dixital terrestre mediante recepción satelital en vivendas e edificacións situadas en zonas que hai que revitalizar do Programa de desenvolvemento rural sustentable en Galicia, e se procede á súa convocatoria para o ano 2015.

A Oficina de Información Turística de Verín atendeu no ano 2014 un total de 2.824 consultas, o que supón un incremento do 61% con respecto ao 2013, data na que esta dependencia municipal estaba situada na Casa do Escudo, que tamén acollía a Sala de Exposicións da localidade e o Albergue de Peregrinos.

Os/As cidadáns/nas da Eurocidade Chaves-Verín poderán participar este ano no programa de "Termalismo saudable" 2015, unha iniciativa que promove e desenvolve a Deputación de Ourense e que ten como obxectivo dar a coñecer o termalismo e o potencial que este recurso de ocio e saúde ten na provincia de Ourense.

Desde o departamento de Desenvolvemento Local do Concello de Verín infórmase da publicación de subvencións para a prevención e defensa contra os incendios forestais en montes veciñais en man común, subvencións a establecementos turísticos co obxecto da obtención e/ou mantemento da marca Q de Calidade turística e regulación da declaración de festas de interes turístico de Galicia.

Información e tramitación na Oficina de Rehabilitación do casco antigo de Verín (situada na antiga Praza de Abastos. Tfno: 988-410597) e no departamento de Servizos Sociais do Concello de Verín (Casa da Xuventude, 11 bis. Tfno: 988-414776).