Concello de Verín

O complexo deportivo de A Granxa de Verín acolle mañá sábado 20 de setembro, ás 17.30 horas, a realización do “Sorteo solidario por Valeria”, enmarcado dentro da campaña 'Tu sonrisa mueve mi corazón', realizada co obxecto de axudar no tratamento de rehabilitación neurolóxica de Valeria De Dios, unha pequena verinense de catro anos que padece unha ataxia cerebelosa non filiada.

Unha selección dos traballos realizados no pasado curso nas Aulas de Especialización da Escola de Artes e Oficios de Verín forman 'Expoarte 2014', mostra que acolle a nova Sala de Exposicións de Verín, do 18 de setembro ao 11 de outubro. A exposición, que se inaugurará mañá ás 19 horas, pode visitarse de luns a sábado, ambos os dous incluídos, entre as 10 e ás 14 e das 17 ás 20.30 horas.

Dende os Servizos Sociais Comunitarios do Concello de Verín, a través do Plan de Inclusión social e Área de Maiores, promoven a realización de obradoiros gratuítos de hábitos de vida saudables, muller e saúde, prevención de infeccións, caídas e accidentes dentro e fóra de fogar (enmarcados na Escola Galega de Saúde para Cidadáns).

Desde os departamentos de Orientación Laboral e Desenvolvemento Local do Concello de Verín infórmase da convocatoria dos seguintes cursos da Academia Galega de Seguridade Pública:

Ante a imposibilidade do Marín de poder disputar o partido ante o Club Ourense Baloncento mañá mércores, prodúcese un cambio sobre este encontro de pretempada. O partido de baloncesto entre as dúas formacións galegas terá lugar o xoves 18 de setembro, ás 20.30 horas, no complexo deportivo de A Granxa de Verín e a entrada será gratuíta.