Concello de Verín

Desde Desenvolvemento Local do Concello de Verín infórmase da publicación da orde do 31 de marzo de 2014, da  Consellería do Medio Rural e do Mar, pola que se establecen as bases reguladoras das axudas aos plans de reestruturación e reconversión de viña en Galicia e se convocan para o ano 2014.

O venres 11 de abril, de 18 a 19.30 horas, a Biblioteca Pública Municipal de Verín acollerá unha sesión de cantacontos realizados pola pedagoga, docente e compositora Susa Herrera Ruiz, acompañada da profesora e artista Merchy Rozas.

Desde o 7 ao 10 de abril, vinte e tres alumnos/as do colexio Felix Aunac (Agen-Francia), acompañados de profesores, vintecinco estudantes de RRPP Mercedarios de Verín e educadores do mesmo centro visitan a Eurocidade Chaves-Verín, dentro dun intercambio educativo con este colexio francés.

O Pavillón de Deportes de Verín acolleu a sétima edición do Concurso de Gastronomía 'Cigarrón de Verín', englobado dentro da Feira do Lázaro e o Certame Gastronómico 'Vila de Verín', e no que participaron trece concursantes afeccionados, profesionais da restauración e alumnos/as pertencentes a diferentes escolas de hostalería de Ourense e Chaves (Portugal).

A Sala de Exposicións de Verín acolle do venres día 04 de abril até o día 03 de maio unha exposición cos últimos traballos do artista Xosé Rivada. En Punto e á parte, así titula a mostra o esculto-pintor ligado a Verín pola súa infancia e mocidade e pola súa estancia actual, Xosé Rivada presenta esculturas en metal e mármore, e cadros con técnicas mixtas, nas que somete a figuración a estilizacións propias do artista.