Concello de Verín

A casa consistorial de Verín acolleu, esta mañá, o acto de sinatura do convenio entre Turismo de Galicia e o Concello de Verín para a realización de obras na Casa da Xuventude, entre a directora de Turismo de Galicia, Nava Castro, e o alcalde de Verín, Juan Manuel Jiménez Morán.

A Xunta de Galicia, a Deputación de Ourense e o Concello de Verín investirán máis de 3,3 millóns de euros na construción do Centro Cultural deste municipio ourensán, dando así cumprimento a un compromiso xurdido xa no ano 2010, no que o Goberno municipal e a antiga Consellería de Cultura e Turismo asinaron un convenio de colaboración para a redacción do proxecto desta infraestrutura.

Durante os meses de setembro e outubro, a aula Multimedia do Concello de Verín ofertará catorce novos cursos formativos para os/as usuarios/as interesados en ampliar os seus coñecementos no sector da comunicación e novas tecnoloxías.

Desde Desenvolvemento Local do Concello de Verín infórmase da publicación da corrección de erros da orde do 19 de agosto de 2013 pola que se establecen as bases reguladoras do Programa para a promoción do emprego autónomo cofinanciado polo Fondo Social Europeo e se procede á súa convocatoria para o ano 2013.

A sede da Eurocidade Chaves-Verín (antigo posto fronteirizo de Feces de Abaixo) acolleu esta mañá a reunión da Comisión Delegada de Turismo do Eixo Atlántico.