Concello de Verín

Este último fin de semana, no complexo deportivo de A Granxa tivo lugar a celebración do Maratón de Fútbol Sala Sub 20 de Verín, e no que o equipo Chirricongos venceu a competición, tras gañar por 0 a 3 ao Saudeter Esencias FS.

Os días 18 e 19 de setembro, na Casa da Xuventude de Verín impartirase un obradoiro de emprendemento rural sustentable, organizado por A Cova da Terra, xunto coas ONGD’s Panxea, Sodepaz e Taller de Solidariedade, e a colaboración do Concello de Verín.

Durante as vindeiras xornadas, os menores da Ludoteca de Verán do Concello de Verín (servizo de conciliación e coeducación “Convive en igualdade”) formarán parte de actividades deportivas, xogos educativos e unha sesión de acampada nocturna.

Na xornada de mañá, 15 de agosto, a localidade de Verín celebrará a festividade da patroa, Santa María A Maior.

Desde Desenvolvemento Local do Concello de Verín infórmase da publicación da orde do 5 de agosto de 2013, da Consellería de Traballo e Benestar, pola que se establecen as bases reguladoras do Programa de incentivos para promover a afiliación á Seguridade Social das mulleres cotitulares ou titulares de explotacións agrarias, cofinanciado polo Fondo Social Europeo, e se procede á súa convocatoria para o ano 2013.