Concello de Verín

O próximo sábado 15 de xuño, a partir das 21 horas (hora local), terá lugar na  Praça General Silveira, en Chaves, o 12º Festival Infantil da Canción- 2º da Eurocidade Chaves-Verín, un grande evento no que a música será a protagonista. Este festival contará coa participación de menores dos dous barrios da Eurocidade para estreitar lazos e compartir experiencias, e no que as súas voces serán o nexo de unión.

Durante este vindeiro fin de semana, 15 e 16 de xuño, as instalacións do Pavillón Municipal de Deportes de Verín acollerán a XXX Copa Deputación Fútbol Sala, organizada pola Federación Galega de Fútbol Sala, Deputación de Ourense e Concello de Verín.

Vinte nenos/as do Club de Natación de Verín, con idades comprendidas entre os 9 e 12 anos, participaron no Torneo de Escolas de Natación, celebrado este último fin de semana na piscina climatizada da localidade lusa de Chaves, na que acadaron o primeiro posto na proba de relevos mixta.

Desde Desenvolvemento Local do Concello de Verín infórmase da publicación, por parte da Consellería de Traballo e Benestar, da orde 6 de xuño de 2013 pola que se establecen as bases reguladoras do programa de axudas a persoas traballadoras autónomas pola contratación indefinida de persoas asalariadas, cofinanciado polo Fondo Social Europeo e se procede á súa convocatoria para o ano 2013.

A Oficina de Turismo de Verín, situada na Casa do Escudo, atendeu nestes primeiros meses do ano a un total de 1.476 persoas, o que supón 300 persoas máis que no mesmo período no 2012. Un incremento que se reflicte tamén no número dos visitantes de excursións programadas ao territorio da Eurocidade Chaves-Verín, e que neste 2013 se sitúa en 570 persoas dun total de 14 excursións procedentes de Valladolid, Cidade Real, Madrid, Lugo, Pontevedra ou A Coruña.