Concello de Verín

Na xornada de mañá, a partir das 20.30 horas, terá lugar na Casa da Cultura de Verín a charla-coloquio 'Espello Deportivo. Reflexos da túa lingua', protagonizada polo deportista Sebastián 'Chano' Rodríguez.

As instalacións da Piscina Climatizada de Verín programan, durante o mes de xuño, unhas xornadas de portas abertas co obxecto de amosarlle o funcionamento interno aos responsables e profesores de educación física de colexios e institutos da comarca de Verín, así como a alumnos/as dos mesmos, a través dunha clases práctica de natación.

A oitava edición do programa de voluntariado no Sur dirixido ao persoal das administracións socias do Fondo Galego busca especialistas en turismo e igualdade. Xa está dispoñible o caderno que recolle as experiencias de 2012.

O Fondo Galego de Cooperación e Solidariedade apoia en Nicaragua a xestión ambiental de dúas áreas protexidas a través dun proxecto subvencionado a Amigos da Terra con 20.000 euros, unha actuación que se fai pública coincidindo co Día Mundial do Medio Ambiente, que se celebra hoxe. A ONGD ecoloxista traballa coa fundación nicaraguana Líder no fortalecemento das capacidades locais para a conservación das reservas naturais do volcán Cosigüina e do delta do Estero Real, ambas as dúas no Golfo de Fonseca, un dos ecosistemas máis representativos de Centroamérica.

O vindeiro xoves 06 de xuño, a Oficina Municipal de Información Xuvenil do Concello de Verín comezará a tramitar as solicitudes de inscrición para participar nunha nova edición do Campamento do Invernadeiro.