Concello de Verín

O tenente de alcalde de Verín, Enrique Díaz, o concelleiro de Mocidade, Víctor Baladrón, o presidente e vicepresidente da Asociación de Empresarios de Verín (AEVER), José Ángel Rodicio e Santos Álvarez, entregaron esta mañá ás responsables dos distintos departamentos de Servizos Sociais do Concello de Verín, os xoguetes recolectados na campaña solidaria ‘Espalle alegría na Eurocidade', e que serán repartidos entre nenos/as de Verín.

Mañá venres, de 18 a 19.30 horas, a Biblioteca Pública Municipal de Verín acollerá unha sesión de 'Cantacontos' realizados pola pedagoga, docente e compositora Susa Herrera Ruiz, acompañada da profesora e artista Merchy Rozas.

Na xornada de hoxe concluirá o curso de iniciación ao salvamento acuático organizado pola área de deportes do Concello de Verín, Saudeter e o club de salvamento acuático Salvour, e no que participaron menores integrantes das clases de natación do Concello de Verín.

A Oficina Municipal de Información Xuvenil do Concello de Verín tramitou no pasado ano 2012 un total de 270 carnés xoves, unha cifra similar ao ano anterior e que mantén a liña de crecemento iniciada no mesmo.

Debido ás inclemencia meteorolóxicas das últimas horas, a actividade infantil programada para esta tarde, a visita do Carteiro Real, terá lugar no Pavillón Municipal de Deportes de Verín (en vez da praza do Concello como estaba prevista nun primeiro momento).