Concello de Verín

Desde mañá 22 de decembro e ata o 5 de xaneiro, o Concello de Verín e a Asociación de Empresarios de Verín (Aever) promoven a quinta edición de 'Ludonadal', unha ludoteca destinada a estas datas e dirixida a nenos/as con idades comprendidas entre os 3 e 8 anos, co obxecto de promocionar económicamente o comercio tradicional na localidade, facilitar a conciliación dos pais e nais e proporcionar aos/ás nenos/as un espazo de lecer durante as vacacións de Nadal.

A área de deportes do Concello de Verín, Saudeter e o club de salvamento acuático Salvaour promoverán, durante as vacacións de Nadal, a realización de clases de iniciación ao salvamento acuático para os/as nenos/as que forman parte dos cursos de natación do Concello de Verín.

O vindeiro xoves 27 de decembro, a partir das 19 horas, o Pavillón de Deportes de Verín acollerá a gala benéfica 'Un sorriso para Ángel'. Unha iniciativa solidaria a favor da campaña 'Una sonrisa, un objetivo', destinada a axudar ao neno Ángel Blanco García, organizada polo Concello de Verín e na que colaboran Eurocidade Chaves-Verín, Tanito, Verín C.F., Imprenta Dixital, Denominación de Orixe Monterrei, Cabreiroá, Deportes Vega, Coren, Novagalicia Banco e Coca-Cola.

Dentro da programación de Nadal organizada polo Concello de Verín, Eurocidade Chaves-Verín e AEVER (Asociación de Empresarios de Verín), durante os tres vindeiros días terá lugar a campaña de animación infantil nas rúas da localidade.

O equipo de dinamización do futuro Foro Xuvenil Transfronteirizo, xunto con persoal técnico da Oficina de Información Xuvenil Transfronteiriza, mantiveron nos últimos días diversas reunións con colectivos formais e informais de Chaves e Verín, co obxecto de traballar conxuntamente no proceso de formación deste foro xuvenil.