Concello de Verín

A sede da Eurocidade acolleu, na mañá de hoxe, a presentación da súa nova marca turística 'A Eurocidade da Auga', asentada en novos produtos diferenciados neste ámbito: Guía Turística, Mapa Turístico e Mapa Xeoreferenciado.

A Casa da Cultura de Verín acollerá na primeira quincena de decembro as representacións do 'III Festival de Teatro Entreculturas da Eurocidade', no que participarán grupos e compañías de teatro amateur de Galicia e Tras-Os-Montes.

O Fondo Galego de Cooperación e Solidariedade celebra 15 anos de compromiso cos Dereitos Humanos cun gran evento en Santiago de Compostela este venres día 30. O edificio Cersia, situado en San Lázaro, acollerá a partir das 12.30 horas un acto conducido pola actriz Mariana Carballal. Previamente, desde as 9 da mañá, terán lugar as VII Xornadas de Cooperación: 15 anos comprometéndonos coa solidariedade.

A Eurocidade Chaves-Verín, Câmara Municipal de Chaves, Concello de Verín, Voz da Juventude xunto con Gráfica Sinal promoven a realización da campaña 'Nadal solidario, espalle alegría na Eurocidade', destinada a recoller alimentos non perecedoiros e xoguetes que serán repartidos entre as familias flavienses e verinenses máis necesitadas.

Desde Desenvolvemento Local do Concello de Verín infórmase da publicación da Orde IET/2481/2012, do 15 de novembro, pola que se aproban as bases reguladoras da concesión de axudas para proxectos e actuacións dentro do programa Emprendetur I+D+I composto polas liñas Emprendetur I+D e Emprendetur Desenvolvemento de produtos innovadores no marco do Plan Nacional e Integral do Turismo e se efectúa a convocatoria correspondente ao ano 2012.