Concello de Verín

A área de Deporte e Mocidade do Concello de Verín, a Asemblea Comarcal de Cruz Vermella Monterrei e o Club BTT Verín organizan a cuarta edición do Día da Bici Solidaria, o próximo domingo 08 de xullo, baixo o lema ‘Pedalea con Cruz Vermella’.

Desde Desenvolvemento Local do Concello de Verín infórmase da publicación das bases reguladoras para a concesión, en réxime de concorrencia competitiva, das subvencións para a potenciación do turismo mediante a mellora de establecementos restaurantes, e se procede á súa convocatoria para o ano 2012, cofinanciadas polo Fondo Europeo de Desenvolvemento Rexional no marco do Programa operativo Feder Galicia 2007-2013.

Un centenar de nenos/as da Ludoteca Municipal participarán o martes 03 de xullo, de 11 a 13.30 horas, na campaña ‘Ponlle as pilas ao teu bocata’, organizada pola Xunta de Galicia, e á que o Concello de Verín adheriuse co obxecto de fomentar os hábitos saudables.

O pasado domingo 24 de xuño, a Eurocidade Chaves-Verín foi escenario de xogos populares de Portugal e España, unha actividade de convivencia, demostración e realización de xogos, organizada polo Clube Cultural e Recreativo de Vilela do Tâmega, localidade seleccionada para acoller o evento.

O presidente do Municipio de Chaves, João Gonçalves Martins Batista, participou no primeiro Congreso sobre Cooperación Intelixente 'A Cooperación Territorial ao servizo da integración europea. Cidades e rexións unidas a través das fronteiras', co obxecto de presentar o proxecto da Eurocidade Chaves-Verín como modelo de cooperación transfronteiriza intelixente.