Concello de Verín

A Casa da Cultura de Verín acolle o vindeiro sábado 22 de setembro, ás 18 horas, a actividade de 'O Señor das Dunas', do programa FalaRedes! organizado pola Secretaría Xeral de Política Lingüística coa colaboración do Concello de Verín.

Desde Desenvolvemento Local do Concello de Verín infórmase da publicación da Orde do 11 de setembro de 2012 pola que se modifica a Orde do 8 de xuño pola que se establecen as bases reguladoras para a concesión, en réxime de concorrencia competitiva, de subvencións a asociacións, fundacións e entidades culturais sen ánimo de lucro para o equipamento e mellora dos seus locais, cofinanciadas polo Fondo Europeo de Desenvolvemento Regional (Feder), no marco do Programa operativo Feder Galicia 2007-2013 e se procede á súa convocatoria para o 2012.

A área de Deportes do Concello de Verín, a agrupación cultural e deportiva Siareiros Cobistas -que chegou a un acordo co ente municipal para a realización de actividades deportivas- e o Club Baloncesto Xuventude organizan para o vindeiro 22 de setembro o primeiro 'Torneo de 3 x 3 de Minibasket da Vila de Verín'.

O Fondo Galego de Cooperación e Solidariedade presentou esta mañá os membros do xurado do concurso ‘Imaxes con Fondo’, entre os que se achan os destacados fotógrafos Gabriel Tizón, Carlos Puga e Sonia Daponte. A premiada escritora Rexina Vega forma tamén parte do equipo avaliador canda a presidenta da Coordinadora Galega de ONGD, Gema Filgueira; a propia presidenta do Fondo Galego, Teresa París, e mais unha representante do Concello de Oleiros, Marga Figueroa.

A localidade flaviense regresou ao pasado unha edición máis, a sétima, coa Feira Medieval, onde as memorias de historia local quedaron reflectidas pola representación do casamento de D. Afonso III, o Bolonhês, e Dna. Beatriz de Castela, filla de Afonso X de Castela, no ano de 1253.