Concello de Verín

O Centro de Interpretación de Verín acollerá do 27 ao 31 de agosto a exposición itinerante ‘Galicia, biodiversidade’, promovida pola Xunta de Galicia e a Obra Social ‘La Caixa’.

Desde Desenvolvemento Local do Concello de Verín infórmase da publicación das bases reguladoras aos proxectos dinamizadores das áreas rurais de Galicia promovidos por microempresas para o uso das tecnoloxías da información e as comunicacións, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013, e se anuncia a convocatoria para o ano 2012.

A Câmara Municipal de Chaves, a Associação Chaves Viva e o Concello de Verín realizarán o vindeiro 26 de agosto, no contexto do proxecto da Eurocidade Chaves-Verín, o Festival de ‘Bandas de Garagem’ denominado “Chaves Underground/Eurocidade 2012”, a partir das 24 horas no Centro Cultural de Chaves.

Durante as dúas xornadas nas que tivo lugar a sétima edición da Feira do Viño de Monterrei máis de 10.000 persoas visitaron as casetas da mesma, situada nesta ocasión na praza da Mercé de Verín.

O Servizo Municipal de Deportes organiza para o próximo 23 de agosto unha excursión ao Aquapark de Cerceda, destinada a trinta menores do municipio, con idades comprendidas entre os sete e doce anos.