Concello de Verín

Este ano, os/as nenos/as verinenses volverán a desprazarse ata Chaves para conmemorar o Día Mundial da Infancia, que terá lugar o próximo 1 de xuño. O lugar das celebracións será o Estadio Municipal de Chaves en horario de mañá, e as actividades estarán destinadas á comunidade educativa de preescolar e primaria da rede pública e privada de Chaves e Verín.

Desde Desenvolvemento Local do Concello de Verín infórmase da publicación das bases reguladoras para a concesión, en réxime de concorrencia competitiva, das axudas do programa Emega para o fomento do emprendemento feminino.

O Fondo Galego de Cooperación e Solidariedade destinará este ano 50.000 euros ao financiamento de proxectos de axentes de cooperación galegos en países do Sur, aínda que a cifra é revisable á alza. Hoxe martes, 22 de maio, ábrese o prazo para a presentación de solicitudes, que se estenderá ata o 22 de xuño. A convocatoria está dirixida a entidades con presenza real en Galicia e busca contribuír ao fortalecemento do tecido solidario galego.

O alcalde de Verín, Juan Manuel Jiménez Morán, asinou coa ministra de Fomento, Ana Pastor, e o presidente do IGVS e conselleiro de Medio Ambiente, Territorio e Infraestruturas da Xunta de Galicia, Agustín Hernández, o acordo relativo á área de rehabilitación integral do casco histórico de Verín, 7ª Fase-Período 2011, no marco do R.D. 2066/2008, de 12 de decembro, polo que se regula o Plan Estatal de Vivenda e Rehabilitación 2009-2012.

A Piscina Climatizada de Verín acollerá mañá sábado, ás 10.30 horas, a actividade de 'Títerehop', do programa FalaRedes! organizado pola Secretaría Xeral de Política Lingüística coa colaboración do Concello de Verín.