Concello de Verín

O presidente do Municipio de Chaves, João Gonçalves Martins Batista, participou no primeiro Congreso sobre Cooperación Intelixente 'A Cooperación Territorial ao servizo da integración europea. Cidades e rexións unidas a través das fronteiras', co obxecto de presentar o proxecto da Eurocidade Chaves-Verín como modelo de cooperación transfronteiriza intelixente.

Desde Desenvolvemento Local do Concello de Verín infórmase da publicación das bases reguladoras das axudas do Igape para a habilitación de liñas de financiamento subsidiado para microempresas, proxectos emprendedores e investimentos das pemes para a mellora competitiva na Comunidade Autónoma de Galicia, instrumentadas mediante convenio de colaboración entre o Instituto Galego de Promoción Económica (Igape), as sociedades de garantía recíproca e as entidades de crédito adheridas (programa Re-Imaxina), e se procede á súa convocatoria para o exercicio 2012 en réxime de concorrencia non competitiva.

O salón de actos da Casa de Cultura de Verín acolle o martes 26 de xuño, ás 20 horas, a conferencia-coloquio  'Trastornos da conduta alimentaria. Anorexia e bulimia nerviosa. Coñecelos, previlos, tratalos' de Jesús Pérez Hornero, psicólogo clínico e especialista da Unidade de Desordes da Alimentación do CHUS.

Desde Desenvolvemento Local do Concello de Verín infórmase da publicación das bases reguladoras para a concesión, en réxime de concorrencia competitiva, de subvencións a asociacións, fundacións e entidades culturais sen ánimo de lucro para o equipamento e a mellora dos seus locais, cofinanciadas polo Fondo Europeo de Desenvolvemento Rexional (Feder), no marco do Programa operativo Feder Galicia 2007-2013, e se procede á súa convocatoria para o ano 2012.

A Eurocidade Chaves-Verín participou hoxe no II Encontro Español de Asinantes da Carta Europea de Seguridade Viaria, unha plataforma participativa europea integrada por empresas, asociacións, centros de investigación e autoridade públicas que se comprometeron a desenvolver accións concretas e compartir a súas boas prácticas para desenvolver os problemas de seguridade viaria no seus contornos cotiáns.