Concello de Verín

A Casa da Cultura de Verín acolleu, con motivo da celebración do Día das Letras Galegas, a entrega dos premios do 'Certame de Poesía Xosé Carlos Caneiro Pérez' e do 'Certame de Relato Curto Antonio Fernández Pérez'. En total foron 78 relatos curtos e poemas escritos por alumnos/as dos CEIPs de Castrelo do Val, de Oímbra, O Castiñeiro de Laza e Amaro Refojo de Verín, os colexios María Inmaculada e Apostólico Mercedario, e os IES Castro de Baronceli e Xesús Taboada Chivite.

Durante os meses de maio e xuño, a Eurocidade Chaves-Verín acollerá a realización dos seminarios gratuítos “Motivación Emprendedora” e “Avaliación de Ideas Empresariais”, organizados por BIC Galicia e o departamento de Desenvolvemento Local do Concello de Verín, e cofinanciados polo Fondo Social Europeo.

Na xornada de hoxe 18 de maio, a facultade de Ciencias Políticas e Socioloxía da Universidade Complutense de Madrid acolleu a conferencia 'Proxecto Eurocidade  Chaves-Verín: un enclave innovador para o desenvolvemento de oportunidades', destinada aos/ás alumnos/as do grado de Relacións Internacionais, estudantes da licenciatura de Ciencias Políticas e alumnos/as do doutorado en Cooperación Internacional.

Mañá xoves, ás 18 horas, a Casa da Cultura de Verín acollerá a Gala Músico-Literaria das Letras Galegas. No acto, organizado polo Concello de Verín coa colaboración de Gadis, actuará o Grupo Instrumental do Conservatorio Elemental de Música de Verín e leranse os traballos gañadores das diferentes modalidades nas que se organizan o Certame de Relato Curto Antonio Fernández Pérez e o Certame de Poesía Xosé Carlos Caneiro Pérez.

O pasado fin de semana, 12 e 13 de maio, tiveron lugar os primeiros partidos de oitavos de final do 4º Torneo de Fútbol Sala  Inter-Freguesias/Pobos Eurocidade Chaves-Verín, cos seguintes resultados: