Concello de Verín

Desde Desenvolvemento Local do Concello de Verín infórmase da publicación da resolución do 16 de abril de 2012 na que se indican os requirimentos de emenda das solicitudes presentadas ao abeiro da Resolución do 1 de decembro de 2011, que estableceu as bases reguladoras e anunciou a convocatoria de subvencións, en réxime de concorrencia competitiva, a proxectos de enerxías renovables (Diario Oficial de Galicia número 236, do 13 de decembro).

A sede da Eurocidade Chaves-Verín (na antiga aduana de Feces de Abaixo -Verín-) acolleu a presentación da Tarxeta do Eurocidadán, a cargo dos alcaldes de Chaves e Verín, João Gonçalves Martins Batista e Juan Manuel Jiménez Morán, e o director Info JC, Jorge Cebreiros.

Os concelleiros da área de Cultura e Mocidade, Corona Meixeira e Víctor Baladrón, acompañados de representantes das oito librerías verinenses entregaron, esta mañá, os premios do concurso 'Debuxos para o cartel do Día do Libro' que recaeron en Antía Benbibre Gómez (ganadora de  ESO), Alfonso Salgado González (vencedor en Primaria) e Pablo Rivera Salgado (Mención).

O vindeiro luns 23 de abril, a partir das 10 horas, na sede da Eurocidade Chaves-Verín (na antiga aduana de Feces de Abaixo -Verín-) terá lugar a presentación da Tarxeta do Eurocidadán. Una tarjeta destinada a proporcionar os mesmos beneficios aos residentes dos municipios de Chaves e Verín, nas mesmas condicións dos servizos dos que xa dispoñen no seu municipio de residencia, promovendo deste xeito o intercambio entre as poboacións destes dous concellos e o incremento da oferta e da diversidade de servizos.

Con motivo do Día do Libro a Biblioteca Pública Municipal de Verín promove a realización de actividades culturais e lúdicas durante a xornada do vindeiro 23 de abril, como son colocación de stand fronte ás instalacións da biblioteca, entrega dos premios do concurso 'Debuxos para o cartel do Día do Libro' ou contacontos e manualidade, entre outras.