Concello de Verín

Desde Desenvolvemento Local do Concello de Verín infórmase da publicación do nome das entidades colaboradoras que participarán na xestión de subvencións en réxime de concorrencia non competitiva ao Plan Renove de Climatización 2011.

O director do Centro Asociado de Ourense da UNED, Jesús de Juana López, e o alcalde de Verín, Juan Manuel Jiménez Morán, asinaron esta tarde un convenio de cooperación educativa entre as dúas entidades que permitirá que os/as alumnos/as desta universidade realicen prácticas no Concello de Verín.

A Xunta de Galicia promove o concurso “Curtas no Móbil” destinado a fomentar o traballo en equipo entre o alumnado dos centros participantes, o uso da lingua galega nas novas tecnoloxías, dar a coñecer a creatividade audiovisual na poboación estudantil e utilizar as aulas CeMIT como un espazo para a creación e para a comunicación.

Unha delegación da ONGD nicaraguana INPRHU-Somoto percorrerá Galicia esta semana para dar a coñecer  os proxectos realizados co apoio do Fondo Galego de Cooperación e Solidariedade. Os Concellos de Vigo, Gondomar, Tomiño, Oleiros, Ferrol, A Coruña, Monforte, Sarria e a Deputación de Lugo, todas elas Administracións socias do Fondo Galego, recibirán a partir de mañá mércores a representantes do Instituto de Promoción Humana.

Desde Desenvolvemento Local do Concello de Verín infórmase da publicación da orde pola que se establecen as bases reguladoras para a concesión, en réxime de concorrencia competitiva, de subvencións a entidades de iniciativa social para o desenvolvemento de programas que contribúan a fomentar a inclusión social e a integración no mercado de traballo das persoas en situación ou risco de exclusión social e se procede á súa convocatoria, cofinanciada polo Fondo Social Europeo 2007/2013.