Concello de Verín

Desde Desenvolvemento Local do Concello de Verín infórmase da publicación da orde pola que se establecen as bases reguladoras do Programa para a promoción do emprego autónomo, cofinanciado polo Fondo Social Europeo, e se procede á súa convocatoria para o ano 2012.

O vindeiro venres 27 de xaneiro, de 18 a 19.30 horas, a Biblioteca Pública Municipal de Verín programa a iniciativa 'Contos da media luniña', no marco da programación de actividades destinadas ao fomento da lectura e dinamización da instalación municipal.

A Comisión Executiva do Fondo Galego de Cooperación e Solidariedade vén de aprobar a declaración institucional “A crise non poderá coa solidariedade do municipalismo galego”. A entidade avoga por evitar que os actuais recortes orzamentarios afecten ás partidas destinadas polos Concellos e Deputacións á cooperación internacional, que pola súa xa escasa contía individual non poderían resolver en Galicia problemas substanciais, mentres que para os países do Sur perder esa suma de achegas significaría agrandar enormemente os déficits nas necesidades máis básicas.

A Casa da Cultura de Verín acolle mañá sábado día 21, ás 18 horas, a presentación dun número especial, dedicado ao 'Tranvía de Verín ao Balneario de Cabreiroá', da revista Cadernos de Istoria e Arqueoloxía Ferroviaria.

No marco do proxecto Eurorrexión Termal e da auga aprobado polo Programa Operativo de cooperación Transfronteiriza España Portugal realizarase o Centro de Formación Turístico Termal e de Investigación da auga que terá dúas sedes: unha en Verín onde se situará o Hotel Escola Termal máis orientado á formación hoteleira e termal de calidade -cun enfoque eminentemente práctico e operacional-; e outra en Chaves, onde se situará o Centro de Investigación da Auga, xa que alí xa existen instalacións destinadas ao Balneario-Escola e Laboratorio de Investigacións Termais.