Concello de Verín

A Eurocidade Chaves Verín promove, por cuarto ano consecutivo, o programa ‘Convive coas Linguas’. Unha iniciativa entre os dous municipios transfronteirizos mediante a que, a través da realización de actividades lúdicas e educativas, se fomenta o aprendizaxe do castelán, galego e portugués; así como a convivencia entre máis de 400 nenos/as de Verín e Chaves, con idades comprendidas entre os 7 e 14 anos.

O luns 27 de xuño, ás 10 horas (hora portuguesa), a Câmara Municipal de Chaves acollerá a presentación do 'Manual de Boas Prácticas para o Pequeno Comercio da Eurocidade Chaves-Verín', destinado a potenciar a dinamización do comercio tradicional nesta zona transfronteiriza.

Os vindeiros 27 e 28 de xuño, o castelo de Monterrei acollerá a realización do Encontro 'Os GDRs e a cooperación no marco da Macroeurorrexión Galicia-Norte de Portugal-Castela e León', organizada pola Asociación de Grupos de Desenvolvemento Rural de Galicia.

Desde Desenvolvemento Local do Concello de Verín infórmase da publicación da convocatoria de Subvencións destinadas a incentivar o turismo de aventura, actividades de lecer e tempo libre.

O próximo sábado 25 de xuño, a partir das 20 horas, a Igrexa dos Padres Mercedarios acollerá o XIX Festival Coral de Verín.