Concello de Verín

O pasado sábado 18 de xuño, a localidade lusa de Valpaços acolleu o I Encontro de Escritores e Xornalistas do Alto Tamega, Tras-Os-Montes e Galicia, organizado polo Fórum Galaico-Transmontano e no que participou a Eurocidade Chaves-Verín.

Clínica Veterinaria Albeitar proclamouse vencedor da Copa de Fútbol 7 – Veteranos, tras vencer por 1 a 0 ao equipo da Gasolinera Feces/Horto Verín/Baira Pousa, no partido disputado o pasado venres 17 de xuño no complexo deportivo A Granxa.

A Biblioteca Pública Municipal de Verín foi nomeada 'Unesco Network of Associated Libraries', é dicir, membro da Rede de Bibliotecas UNESCO, que certifica que a instalación municipal cumpre todos os principios de fomento da lectura, desenvolvemento da cultura, solidariedade-voluntariado e cooperación con distintas entidades, segundo indican as bases da Organización das Nacións Unidas para a Educación, Ciencia e Cultural, para a adhesión a esta Rede de Bibliotecas.

Durante o fin de semana do 25 e 26 de xuño, o persoal da Biblioteca Pública Municipal de Verín promove unha actividade de convivencia, destinada aos/ás voluntarios/as desta instalación.

O vindeiro xoves 23 de xuño, de 17 a 19.30 horas, a Biblioteca Pública Municipal de Verín organiza a iniciativa ‘Contos do Verán’, no marco da programación de actividades destinadas ao fomento da lectura e dinamización da instalación municipal.