Concello de Verín

Durante todo o fin de semana, o Pavillón Municipal de Deportes de Verín acollerá a celebración da primeira edición do ‘Maratón de Fútbol-Sala Feminino’, organizado pola Eurocidade Chaves-Verín.

Na xornada de onte, disputouse a final do 1º Torneo de Pádel 'Concello de Verín', organizado polo ente municipal, durante os meses de xuño e principios de xullo. O equipo vencedor desta primeira edición foi Natalú, conformado por Luis Prieto e Nazario Blanco, que gañaron por 3 sets a 2 ao equipo Areté, composto por Iván Fernández e Ricardo Vázquez.

O departamento de Servizos Sociais do Concello de Verín organiza ata o mes de outubro obradoiros de 'Prevención da dependencia e pautas ao coidador no rural', destinados a maiores de 65 anos e coidadores de persoas dependentes.

O alcalde de Verín, Juan Manuel Jiménez Morán, reuniuse con Manuel Fernández Pellicer, director de zona Galicia de Unión Fenosa Distribución, e Juan José Coiradas Samade, xefe do sector Ourense-Lugo de Unión Fenosa Distribución, para establecer as primeiras actuacións destinadas ao traslado da subestación de Unión Fenosa do casco urbano da localidade ao Polígono Industrial de Pazos.

O 2 de setembro remata o prazo de inscrición do proceso de selección de adxudicatarios de dúas vivendas de promoción pública cualificada, en réxime de aluguer, situadas no Barrio de San Lázaro de Verín.