Concello de Verín

Desde Desenvolvemento Local do Concello de Verín infórmase da publicación dos requerimentos de emenda de documentación das solicitudes presentadas ao abeiro da Resolución do 11 de xaneiro de 2011 pola que se establecen as bases reguladoras que rexerán as subvencións para o apoio ao emprendemento feminino (Programa Emega) e se procede á súa convocatoria para o ano 2011.

A Oficina Virtual do Concello de Verín, en www.verin.es, acaba de por en funcionamento un catálogo de 48 novos trámites específicos que os/as cidadáns/nas poderán realizar vía telemática.

Máis de 3.500 nenos/as, 900 de Verín, conmemoraron en Chaves o Día Mundial da Infancia. O lugar escollido para os tres días de actividades -31 de maio, 1 e 2 de xuño- foi o Estadio Municipal da cidade flaviense, o espazo ideal para a animación.

Na xornada de hoxe comezaron os Obradoiros de Alfabetización Dixital, organizados pola Biblioteca Pública Municipal de Verín e a Rede Cemit (Centros para a Modernización e Inclusión Tecnolóxica), nas materias de iniciación á informática e internet, procesadores de textos, follas de cálculo ou base de datos, e busca de emprego na rede.

O GD Chaves proclamouse vencedor do 2º Torneo Internacional Fútbol 7 na categoría de benxamín (7, 8 e 9 anos), organizado polo Concello de Verín en colaboración coa Eurocidade Chaves-Verín e disputado o pasado sábado 4 de xuño.