Concello de Verín

O vindeiro sábado 4 de xuño, a partir das 16 horas, vinte e dous nenos/as do Club de Natación de Verín participarán no Torneo de Escolas de Natación, que terá lugar na piscina climatizada de Chaves.

A parroquia de Vale de Anta (en Chaves) proclamouse vencedora da terceira edición do Torneo de Fútbol Sala Interparroquial Eurocidade Chaves-Verín, que se desenvolveu desde o mes de marzo.

O Fondo Galego de Cooperación e Solidariedade vén de participar nun seminario internacional para achegar a súa experiencia a axentes do sector procedentes de Alemaña e Portugal. O encontro celebrado en Lisboa encádrase no proxecto europeo ‘Construíndo redes para o desenvolvemento: dos irmandamentos a unha cooperación máis eficiente’, que busca promover as redes de cooperación descentralizada en ambos os dous países.

O vindeiro 4 de xuño, ás 16 horas, a localidade de Verín acollerá a realización do 'II Paseo Vespa, Lambretta e Motos Clásicas', no que colabora o Concello de Verín. A partir desa hora, nas prazas García Barbón e Maior concentraranse todos/as os/as interesados/as en participar na mesma para realizar a correspondente inscrición -de carácter gratuíto-.

O pasado 30 de maio, realizouse un intercambio educativo entre os alumnos do IES García Barbón (Verín) e a Escola de Secundaria Dr. Júlio Martins (Chaves).