Concello de Verín

 Esta mañá, preto dun centenar de menores deron por clausurada a tempada 2021 da Escola de Verán organizada polo Concello de Verín. Como broche final, os asistentes gozaron dunha divertida festa de disfraces e dunha xornada de actividades acuáticas con inchables.

 A imaxe gráfica do FIC Vía XIV de Verín realizada con morteiro polo creador Javier Yáñez será a peza que se entregue como Premio do Público no FIC Vía XIV 2021. “O Premio do Público ten un valor especial para Verín posto que son os propios asistentes ao FIC os que, coas súas votacións, o determinan e cada ano queremos que un creador local se ocupe da súa realización”, destaca Carlos Montero, director do FIC.

 O vindeiro martes, 7 de setembro, o dúo de pop moderno Verto actuará en Verín dentro da programación do Festival Internacional de Curtametraxes Vía XIV. A actuación terá lugar nas instalacións exteriores do Auditorio de Verín a partir das 22.30 horas.

A día de hoxe, venres 27 de agosto, a cifra de casos activos por COVID-19 no Concello de Verín é de 39 persoas.

 Máis dunha trintena de curtas de 12 nacionalidades diferentes exhibiranse este ano no Festival Internacional de Curtas de Verín, FIC Vía XIV, que foi presentado hoxe perante os medios de comunicación polo seu director, Carlos Montero, xunto á concelleira de Cultura de Verín, Emilia Somoza. O Festival desenvolverase na vila do Támega entre o 4 e o 12 de setembro e as curtas poderán verse, por vez primeira, online a través de festhome no enlace https://tv.festhome.com/festivaltv/fic-via-xiv.