Concello de Verín

 A Área Sanitaria de Ourense, Verín e O Barco de Valdeorras convocará esta semana a 3.000 veciños e veciñas do concello de Verín a un cribado poboacional, selectivo e aleatorio, entre persoas dos 16 e aos 74 anos, co obxectivo de detectar casos positivos asintomáticos entre a súa poboación e limitar a transmisión.

 En vista da actual evolución epidemiolóxica e da situación asistencial, a Consellería de Sanidade da Xunta de Galicia vén de publicar no Diario Oficial de Galicia as novas medidas de prevención destinadas a evitar a propagación da COVID-19 en #Galicia. Segundo o decretado, o Concello de Verín pasa a nivel medio de restricións.

 De acordo co disposto no artigo 22 da Lei 3/2007 de 9 de abril,   de Prevención e Defensa contra os Incendios Forestais de Galicia o CONCELLO DE VERÍN lembra ás e ós titulares das parcelas situadas a menos de 50 METROS dos lindes dos núcleos rurais e/ou vivendas illadas, deste municipio, que deben MANTELAS LIMPAS DE BIOMASA, para contribuír a unha adecuada protección contra o lume forestal.

 A día de hoxe, venres 23 de abril, a cifra de casos activos por COVID-19 no Concello de Verín é de 17 persoas.

 Coa chegada da primavera, brotan as follas dos máis de 2000 árbores plantadas polo Concello de Verín dentro do seu Plan de Humanización, que comezaba no ano 2015 e continúa a día de hoxe con diversas actuacións en activo tales como a creación do  “gran pulmón verde” situado en Fontenova,  a  optimización do sistema de  saneamento da  vila  ou  as constantes labores de  mellora da  vexetación de  ribeira  do Río Támega.