Concello de Verín

 A concellería de Deportes do Concello de Verín informa que o complexo deportivo de “A Granxa” reabre mañá as súas instalacións para o aluguer de pistas de tenis e pádel.

A Biblioteca Pública Municipal de Verín retoma este luns os servizos de préstamos e devolución de libros que pasarán unha corentena de 14 días antes de estar dispoñibles novamente para outros usuarios, segundo indicou os responsables das instalacións.

Esta mañá, o director galego de cinema, Ignacio Vilar, visitou o aparcamento público gratuíto onde se instalará o próximo 21 de xuño o autocine no que se estreará o seu filme “María  Solinha. Fíxoo acompañado do seu equipo técnico, do alcalde de Verín, Gerardo Seoane e de Begoña Vázquez, en representación da Asociación de Hostaleiros da Comarca de Monterrei (Aehcom).

O Fondo Galego de Cooperación e Solidariedade está a impulsar cinco proxectos para frear o impacto do coroavirus en Mozambique e Guinea-Bissau. Na semana en que se conmemora o Día de África, a asociación de concellos e deputacións vén de darlle luz verde ao investimento de 98.126 euros na loita contra a pandemia, dos que 27.000 corresponden a achegas extraordinarias de dous dos seus socios, os concellos de Cambre e Narón.

A Agrupación Europea de Cooperación Territorial (AECT)  Eurociudad  Chaves-Verín, é unha entidade que agrupa os municipios de  Verin en España e  Chaves en Portugal, vai representar ao Programa de cooperación transfronteiriza Interreg España-Portugal (POCTEP) 2014-2020 no aniversario dos 30 anos da iniciativa INTERREG.