Concello de Verín

A empresa “Agro Vidal”, vén de doar unha importante cantidade de material de protección contra o covid-19 ao Concello de Verín. A Policía Local procedeu á súa repartición entre algúns dos colectivos da vila que, pola súa exposición máis directa ao virus, máis o necesitan.

A empresa  NICANDRA, a través da súa deseñadora Mónica, tivo a inciativa de doar á  #PoliciaLocal de #Verín, de forma gratuíta e solidaria, unha importante cantidade de máscaras fabricadas no seu taller de costura.

Desde a entrada en vigor do estado de alerta sanitaria, o Concello Verín leva a cabo unha campaña intensiva de limpeza e desinfección diaria das súas rúas, dando prioridade ás zonas máis sensibles e con maior tránsito para evitar a propagación do coronavirus  Covid-19.

Hoxe, ás 20,00 horas, os Corpos e Forzas de Seguridade do Estado participarán nun sinxelo, pero emotivo homenaxe de recoñecemento e agradecemento ao labor que están a realizar os profesionais sanitarios na nosa vila para conter a pandemia do coronavirus COVID-19. O encontro terá lugar diante do Hospital Comarcal de Verín.

O Museo Claustro Mercedario cumpre estes días o seu terceiro aniversario, un trienio con máis de medio cento de actividades académicas, divulgativas e pedagóxicas enfocadas a dar a coñecer a historia da súa comarca e crear entre os seus veciños un sentimento de identidade. Coas portas temporalmente pechadas por mor das medidas sanitarias, afronta unha nova etapa orientada á xestión das doazóns de fondos que comeza a recibir.