Concello de Verín

O grupo de goberno municipal  -reunido de xeito extraordinario- ven de acordar, co obxectivo prioritario de protexer a saúde da cidadanía, a cancelación das actividades programadas no marco das festas patronais do Lázaro (evento que ten unha prevista afluencia de público que supera as 1000 persoas) para evitar así a posible transmisión do coronavirous/COVID-19 entre a poboación.

Durante os días 13, 14 e 15 de marzo o cinema municipal de Verín acolle as proxeccións das películas “Operación Panda” e “Jojo Rabbit” no Salón de Actos da Casa da Cultura nos seguintes pases:

A Biblioteca Pública Municipal de Verín súmase ao Proxecto “Bibliotecas en Igualdade” promovido pola Asociación Clásicas y Modernas, converténdose así na primeira Biblioteca en adherirse a esta iniciativa na comunidade autónoma de Galicia.

A V edición do Festival Internacional de Curtas de Verín (FIC Vía XIV) terá lugar na vila do Támega entre os días 5 e 13 de setembro deste ano, celebrándose así por primeira vez na época estival.

O departamento de Servizos Sociais do Concello de Verín, en colaboración coa asociación Solidariedade Galega co Pobo Saharauí, participa un ano máis no programa de acollida temporal 'Vacacións en Paz', que se desenvolve durante os meses de xullo e agosto. O Concello de Verín, que se fará cargo dos gastos de traslado dos menores acollidos, oferta dúas prazas de acollemento para familias residentes no noso termo municipal, quedando neste momento tan só unha vacante.